“Menck. Hallo?”
Hallo, en welkom by my nuusbrief.
Voor ek by Menck kom, die US Woordfees. Maandag wat nou kom, gaan ek saam met Madelein Rust (Die 13de Kaart) by die Erfurthuis wees. As jy in die Stellenbosch-
Goed. Skuldig is nou so naby, ek kan al die papier en die gom ruik. Ek kan nie wag dat dit op winkelrakke—
’n Mens se lewe is die een ding in Suid-Afrika
wat net goedkoper raak.
As jy Donker Spoor gelees het, sal jy natuurlik reeds die naam Colin Menck ken. In Skuldig is Menck die ondersoekbeampte en die hoofkarakter. Hy is die een wat moet uitvind wie hierdie mans in hulle eie huise teregstel en waarom. En hy moet dit met ’n nuwe partner doen.
Die rol van seniorvennoot skaaf maar aan Menck. Die nuwe groepleier ook.
In Donker Spoor het ons Menck deur Jan Magson se oë leer ken, meestal terwyl hulle verdagtes gesoek en leidrade opgevolg het. Nou, sewe, agt maande ná daardie desperate soektog na die moordenaar van tienermeisies, gaan ons saam met Menck huis toe. Ons het gehoor van Kathy en die volstruisvleis, Casey se droom om ’n perd te kry en Ben wat dink sy ouers weet niks, nou ontmoet ons hulle.
Maar oor alles hang daar sewe bloederige letters wat in doodsangs teen ’n muur geskryf is. ’n Moordenaar wat klinies sy taak uitvoer. ’n Lys slagoffers wat langer word.
Dankie dat jy gelees het.
m.s.
(As jy wonder wie hierdie nuwe partner en groepleier is, vind hier uit.)
Die kommentaarboksie is hier.